La Cabana Beach Resort & Casino recientemente a invita henter su ekipo di empleado pa un celebracion memorabel di fin di aña, treciendo nan hunto pa disfruta di un fiesta dibertido cu cuminda, coi bebe y hopi bailamento.
E asociadonan a wordo ricibi na e entrada pa Gerente General Joe Najjar, e Comision Ehecutivo y Hefenan di Departamento, prome cu Gerente General Asistente Jessica Franken, MC di e anochi, a subi e scenario pa duna un discurso di bon bini sigui pa un Bendicion di Pasco, cual a habri e cena, sirbi estilo di buffet. Despues di a disfruta di e cena delicioso, tur hende a subi e pista di baile pa baila riba e musica y ritmonan di DJ Metropolis y D’-Licious Band.
E momento culminante di e anochi tabata e anuncio di La Cabana su top empleadonan di aña. Marina Stamper, di Food & Beverage, a wordo selecta como e Prome Finalista di Asociado di Aña, pero tabata Minerva Hayes di Housekeeping kende a gana e titulo maximo di Asociado di Aña di 2016. Otro ganadornan a inclui Helen Weleman di e Executive Office pa Supervisor di Aña, Frank Sabajo di Engineering pa Gerente di Aña, y e Ekipo di Public Area Housekeeping pa Ekipo di Aña di 2016. Portretnan ta mustra e ganadonan orguyoso, para cu nan bunita plakkaatnan di reconocemento y e ekipo ehecutivo.
E anochi tambe a inclui un rifa di door prize, cu Sherryl D’arsie ganando un certificado di 500 Florin Grocery Shopping Spree, y Carmen Odor ricibiendo e premio di 1000 Florin Grocery Shopping Spree.
E fiesta a sigui cu mas bailamento y diberticion, unda cu e empleadonan y gerencia a celebra un otro aña exitoso, deseando tur hende un 2017 feliz y prospero.