Rina Geerman cu ta owners services manager di La Cabana a duna di conoce cu nan team kier haci un fundraising pa recausa fondo pa tanto Casa Cuna y ImeldaHof ya cu den Rina su opinion ta dos instancia importante debi cu nan ta cuida muchanan, guia y amor.
E biaha aki lo bay expone algun artista local cu ta desconoci, e intencion di e evento aki pa hacie un evento pa promociona nos artista local y alaves recauda fondo ne dos instancianan aki y crea e concientisacion con importante ta pa famia di criansa. Di e forma aki ta spera di atrea personanan cu tin curason debi pa nos muchanan y por contribui y dunanan un futuro. Algun di e artistanan local aki nunca no a participa na ningun exposicion y otronan ta reconoci.
E lo ta un solo dia na e di dos piso di La Cabana cuminsando 7’or pa 9’or di anochi, ta spera di por haya personanan cu ta amante di arte y coleccionistanan y asina hisa man y duna un oferta pa e producto. E artenan lo keda expose pa un tempo na La Cabana. Nos ta spera di por haya e suma mas halto, y nos di La Cabana tambe lo duna algo extra pa duna e dos instancianan.
