E departamento di Recursonan Humano, conhuntamente cu e departamentonan di Ingenieria y Housekeeping, a organisa un Job Fair recientemente den e resort su sala di multi-uso, solicitando abiertamente candidatonan potencial pa empleo den varios posicion.
E vacaturanan cu nan a promociona tabata pa Engineer Rooms Care Supervisor, Shift Engineer, Housekeeping Supervisor, Room Attendants, Housemen, Public Area Attendants, Security Officers, Front Office Agents y Cashiers y PBX Telephone Operators.
E candidatonan a wordo pidi pa bishita e resort riba e dia designa, ekipa cu nan ID y permiso valido, y haci un entrevista pa e posicion. E idea pa organisa un Job Fair a forma durante un reunion di gerencia cu a tuma luga recientemente, y e ekipo a dicidi di recluta ayudo adicional internamente. E posicionnan a wordo anuncia den avisonan di antemano y e empleadonan di La Cabana Beach Resort & Casino a plama e noticia entre nan miembronan di famia y amigonan.
Nos ta buscando hendenan hopi specifico, esta hendenan cu un amor pa e trabou, conciente y amabel, cu ta papia nos cuater idiomanan y ta posee un permiso di trabou valido, segun Carine Cratz, asistente di HR, y nos a pensa cu lo ta miho pa busca nan entre nos miembronan di famia extendi, pa asina nos ten’e den famia.
Aki por mira e exitoso Feria di Trabou, un caminda rapido pa haya empleo na La Cabana Beach Resort & Casino.