Aruba Doet 2018 tabata e di seis edicion di e evento boluntario cu recientemente a tuma lugar, y cu ta wordo organiza pa CEDE Aruba den cooperacion cu Oranjefonds, un fondo hulandes cu ta apoya causanan social. Como parti di Aruba Doet 2018, La Cabana Beach Resort & Casino a busca boluntario entre su asociadonan. E boluntarionan a lora nan manga y a bay traha na Casa Cuna Progreso, cual ta un cas pa baby y mucha chikito cu ta situa na Balashi, yudando nan verf, drecha e hardin y hasi limpi. Aruba Doet tabata e evento boluntario mas grandi di e isla y La Cabana Beach Resort & Casino ta orguyoso di nan participacion, contribuyendo na un bon causa y pas a un rato ameno.
Aruba Doet ta parti di un organisacion mas grandi, hunto cu NL DOET, ARUBA DOET, BON DOET, CURA DOET, STATIA DOET y SXM DOET, cu ta tuma lugar mesun tempo. E fondo hulandes ta hasi inversionnan grandi den causanan social na e islanan y ta fortalece e lasonan entre e islanan den reino. www.oranjefonds.nl