La Cabana Beach Resort & Casino a organisa su concurso anual di eleccion di reina, cu cuatro candidata representando diferente departamento.
E dibertido evento aki a wordo organisa pa e Social Committee den colaboracion cu e departamento di Recurso Humano y tabata un anochi ameno cu musica carnavalesco caminda cu e huespednan y asociadonan a apoya nan candidata faborito.
E participantenan royal a inclui Lyrza Lansiquot, Front Office; Lucienne Ras, Food & Beverage; Mayra Fingal, Housekeeping y Nathaly Rodriguez, Glitz Casino.
A pidi e candidatanan pa introduci nan mes cu un speech y pa bin bisti cu un trahe carnavalesco dilanti un panel di hurado cu a consisti di huespednan, y e brassband a entretene y anima e anochi.
Despues di deliberacion, e panel di hurado a eligi Lucienne Ras di F&B como e ganadora y e la wordo corona pa e Assistant General Manager Jessica Franken, como Reina di Carnaval 2019 di La Cabana Beach Resort & Casino, y ceremoniosamente escolta pa Prins y Pancho Jason Martijn y Randolf Roch.
Pabien na tur e candidatanan cu a participa y a duna e miho di nan mes, y pabien na e reina Lucienne cu a gana e titulo maximo, spera bo disfruta di bo reinado na La Cabana.