La Cabana Beach Resort & Casino a trece cuminda, alegria y sonrisa pa e 160 habitante y miembronan di staff di Huize Maris Stella, deseando nan un feliz Dia di Tata.
Mas of menos 10 empleado di e resort, hunto cu Director di Cuminda y Bebida, Pierre Kock, a yuda sirbi cuminda y desea e ancianonan un dushi fin di siman di Dia di Tata. Esaki tabata un oportunidad positivo pa comunica y conecta cu e habitantenan anciano, kendenan a yama e bishitantenan bon bini y en berdad a disfruta di e cuminda y e amistad. “Nos ta hopi conciente di nos responsabilidadnan social,” tabata e palabranan di Pierre Kock, “y ta dedica recursonan y energia na sirbi nos huespednan, nos asociadonan y nos comunidad. Sirbi lunch na e cas di anciano,” el a splica, “tabata un experiencia sumamente agradabel, y nos tin planea pa ripiti esaki durante e temporada di fiesta, lagando nos habitantenan anciano sa cu nos no a lubida di nan.”