Kiwanis Club of Young Professionals Aruba (KYPA) un biaha mas ta organisando un evento caritativo. E biaha aki e lo ta un fabuloso “Wine & Tapas” Charity Event. E evento aki lo tuma luga dia 6 di April na Azia Restaurant & Lounge. E anochi lo cuminsa pa 7’or yena di bon ambiente y musica. Ambiente lo ta den man di DJ Rj. Contribucion pa e evento aki ta Awg. 100,- pa persona y esaki ta inclui 6 delicioso Tapas y 4 eskisito biña blanco of cora.
Annualmente KYPA ta bin ta organisa evento nan di networking asina concentrando riba e Young Professionals di nos comunidad. Por medio di evento nan di networking charicativo ta recauda fondo pa por sigui ehecuta diferente proyecto cu tin planea. Tur fondo recauda ta bay bek den nos comunidad sea via proyectonan caritativo of tambe haciendo un donacion na instancianan cu tin mas mester di esaki, cu e meta final pa yuda nos muchanan.
Sigur nos no por keda sin gradici cada un persona y/of compania cu ya a contribui caba na nos evento y sigur un Danki ta bay na Azia Restaurant & Lounge, Tropical Bottling y tambe Exotic Rentals.
Un invitacion ta bay na e Young Professionals di Aruba, si bo no tin bo ticket ainda, busca esaki lihe. Por contact nos via nos facebook page Kiwanis Club of Young Professionals Aruba, y sigur nos lo zorg pa esaki wordo entrega te den bo man. Ban contribui pa nos por sigui yuda nos muchanan den nos comunidad.