Kvk ta hopi preocupa, si mira e cifranan si wak e sorto di companianan y di e grandinan tin 361 compania registra den Havenstraat, Hendrikstraat, Caya Betico Croes, Directora Di Camara di Comercio Sra. Sonja Velthuizen ta splica.
Por a chek cu e cifra na aña 2017 a mustra un total di 19 compania a cera, mayoria ta tiende di paña y sapato. Y na 2018 te cu luna di Mei, 11 otro tienda a cera caba. Mayoria di tiendanan aki tabata dedica na benta di paña, sapato y pedicure.
Den caya grandi tin 44 luga habri/bashi. A saca hopi potret, unda cu por ripara cu tur cos ta pa huur of for sale. Consumidornan no ta bishita caya mas.
Gobierno a bin cu un plataforma di sector priva y publico cu ta yama Area pa purba lanta comercio via esaki y trece solucion pa yuda caya grandi. Pero Kvk a presenta hopi idea caba den pasado, traha daknan di solarpanel pa duna mas sombra, trece entertaiment, musica, restaurant etc. Tin hopi idea caba, pero awor ya e ta tempo pa tuma accion.
Tambe e prijs di huur y e orarionan por bin cu un miho maneho, pa traha te cu 7 or of 8 or. Hende no ta bay cumpra cos den caya pa 8 or di mainta. Cambia e horario y habri caya p.e., trece bida bek den caya. Por ta si wak e tiendanan anochi, esaki por trece mas bida. Nan ta wak e vitrinanan, wak kico nan por cumpra. Esey ta trece full un otro ambiente.
KvK a scirbi a skirbi nan pensamentonan ariba esaki y a entrega na tur minister. Nan ta participa den plataforma di area. Tin solucion pa caya grandi, pero solucion pero mester ta lihe y no por keda warda mas.
Tambe ta hopi importante pa haya inversionistanan nobo of institucionnan financiero pa comerciantenan cu kier habri negoshi den caya. Tin e caso di compania Qredits cu ta un compania cu ta financia te cu 100 mil florin. Si tin e inversionistanan, of caribconnect.net por haya un inversionista pa bo businessplan. Tin posibilidad y KvK lo sigui pusha pa por haya interes pa caya y San Nicolas haya bida bek.
San Nicolas tambe ta envolvi den e plataforma di gobierno, Area cu ta toca San Nicolas pero tambe Oranjestad. KvK ta bezig cu e desaroyo di incubator, si ta bin cu esaki den caya y na San Nicolas of Oranjestad, esaki lo por trece bida bek. Y si e proyecto di Ferry bay door, esaki sigur lo trece bida bek pa San Nicolas. Esaki ta hopi importante, segun Sra. Sonja Veldhuizen.