E centro di Coordinacion y Rescate (RCC) di Warda Costa di Caribe Hulandes (KWCARIB) diahuebs, 8 Maart pa mas o menos 5 or y 30 anochi a drenta un melding cu buceado tabata perdi na altura di Sabadeco. Ta trata aki un señora cu a bay snorkel cu su casa. Helicopter di Warda Costa a sali di biaha pa en busca di e personanan aki. E avion maritimo di Warda Costa tambe a sali en busca di e personanan aki. Lastimamente door cu anochi a cera mester a cancela e buskeda pa 8 or di anochi. Un drifter marker bou (DMB) a wordo tira den awa pa indicacion unda e señora a wordo mira pa ultimo biaha. Cu ayudo di e DMB lo haya un miho indicacion di unda por sigui cu e buskeda.
Diabierna mainta, manera dia a habri a sigui cu e buskeda y e curpa di e señora a wordo haya na altura di landhuis Karpata. Lastimamente e no tabata duna señal di bida mas. Un miembro di tripulacion di e helicopter a keda banda di e curpa te ora cu funeraria a yega y a tuma e curpa over.