Willemstad Curacao: E periodo di karnaval ta konosí pa ta un periodo ku oumento di aktividatnan ilegal riba laman. Botonan ku hopi persona na bordo ta purba yega Aruba, Bonèiru i Kòrsou mas frekuente. E personanan ilegal ta purba yega tera i hopi biaha nan tin arma i droga huntu ku nan. Unabes na tera e armanan i droga ta forma un peliger pa nos komunidat. Warda Kosta ta traha duru pa por brinda kostanan i laman liber di práktikanan ilegal.
Den pasado e temporada di karnaval a ser usa regularmente komo un periodo ku botonan ta purba yega nos kosta. Pesei Warda Kosta ta bai patruya mas intensivo durante e periodo ku ta bini akí. E unidatnan lo ta muchu mas visibel riba laman i e avionan tambe lo patruya mas frekuente. Warda Kosta lo risibí kolaborashon di Defensa tambe den forma di Zr. Ms. Zeeland, kual lo patruya den nos awanan. Un yamada ta bai tambe na nos komunidat, personan alerto por meldu kasonan sospechoso riba laman riba e number 913 ku ta disponibel 24/7.