WILLEMSTAD – Kustwacht Caribisch Gebied (KWCARIB) a firma riba dia 10 di November, un Letter of Intention (LOI) cu Haiti, den cuadro di Buskeda y Rescate (Search and Rescue). Fuera di trabaonan di rastreo, manera combatimento di droga, KWCARIB tambe lo tin trabaonan di suministra ayudo. Kustwacht ta eherce e tarea aki den un area basta grandi riba Buskeda y Rescate, situa rond y panort di e islanan ABC. E area aki ta frontera cu otro paisnan manera Venezuela, Colombia, Jamaica, haiti, Republica Dominicana y Merca. Cu hopi di e paisnan aki a cera acuerdonan manera Memoranda of Understanding. Kustwacht desde comienso di aña a cuminsa cu deliberacionnan cu haiti pa cera un tipo asina di acuerdo. Awor aki a yega na un comprondemento entre Kustwacht y e organisacion di Buskeda y Rescate di Haiti (Office National de L’Aviation Civile). Den un Letter of Intention (LOI) a haci entre otro acuerdonan riba sosten mutuo na momentonan di incidente y calamidadnan riba lama y ehecusion di entrenamentonan conhunto. Na e momentonan aki tin e mesun tipo di acuerdonan ta tumando luga cu Jamaica.