Diahuebs dia 25 Januari, e centro di Rescate y Coordinacion (RCC) di Guarda Costa di Caribe Hulandes (KWCARIB) a ricibi un melding di un barco di carga yama ‘Jose Leonarda Chirino’ cu un miembro di nan tripulacion lo tin un herida na su pia y cu tabata sangrando profundamente. E barco tabata situa na un miya zuid di Rif, Corsou. E cutter di Guarda Costa Jaguar y e Super RHIB a wordo manda den direccion di e barco pa evalua e situacion aki y brinda asistencia, caminda un miembro di Guarda Costa a subi a bordo. A keda dicidi di baha e homber for di e barco riba brandcard.
El a wordo subi a bordo di e Super RHIB y hiba Mathey Werf. Na canto ya caba un ambulans tabata para cla pa hiba e pashent hospital. E condicion di e pashent ta stabiel.