Cantidad di pisca cu a keda confisca den fin di siman na Zeewijk, esakinan a keda benta afo na dump dialuna despues cu un cantidad grandi di pisca a daña na Abattior. Por a tuma nota di e movecion di personal di kustwacht dialuna atardi na Abattoir. Ta desconoci con e cantidad grandi di pisca a daña asina. Ta di lamenta con ultimo temponan aki tin un guera frieu den Kustwacht Aruba unda ta controla nos localnan cu ta subi lama pa bay tuma pisca for di esnan di Venezuela di cual porcierto ta ilegal. Ultimo tempo por mira cu manera un boto local bay zuid y nan regresa bek Aruba kustwacht ta baha riba e personanan manera un piraña kitando tur pisca for di e piscadornan y ta conseha ministerio publico pa tuma e mercancia den beslag.
Segun kustwacht e piscanan lo por tin COVID, por a tuma nota cu den fin di siman cu kustwacht Aruba ta haci trabouan di DVG door di conseha ministeiro publico ariba e salud di e piscanan, y tambe nos por a tuma nota cu kustwacht ta haci trabou di douanne recherche ariba tera e procedura normal ta cu kustwacht ta trece botonan sospechoso te na tera y ta pasa esaki over na douanne recherche, pero den e caso aki nan mes ta bay afo gara boto y trecenan tera y ta haci e trabou di douanne recherche door di confisca e mercancianan y na final si sa condicion di e salud di e piscanan ta destruinan na dump.
Den pasado nos a conoce e botonan Venezolano ta bin Aruba pa bende nan pisca y berdura na waf chikito na playa y nan tabata liber pa invoerrecht, y despues cu a move e waf chikito pa Barcadera caminda cu ta fresco den nos memoria con e Venezolanonan ta baha for di boto subi tereno di waf di Barcadera pa despues crusa e heki subi caya ilegal pa un rato y bay bende e piscanan rond nos isla, y subi tereno di Barcadera pa subi nan boto y bay zuid sin paga un cent na belasting.
Nunca nos a wak kustwacht actua riba e Venezolanonan na caminda pa Aruba riba lama ora cu nan tabata tin cantidad di pisca abordo pa bin bende na Aruba y awor nos localnan si ta wordo persigui. Segun bon fuente cu den e propio seno di e instancia cu ta controla riba lama mes tin trahadonan cu tambe ta subi lama durante nan ora liber y haci e mes un tipo di negoshi aki.