Basta miya pabou Aruba diaranson pasa di 11 or anochi kapitan di e barco crucero Queen Victoria cu tabata rumbo nos isla a bati alarma na kuststation cu nan mester di un helicopter urgente debi cu tin un pashent abordo cu mester asistencia medico rapido.
Esaki ta despues cu dokter a controla e homber y a constata cu e mester bay hospital cu urgencia y no por keda warda te ora e barco mara na waf Oranjestad. Helicopter di Kustwacht a sali for di Curacao y a yega te na unda e barco ta algo di 100 miya pabou di Aruba.
Diahuebs pa 1 or pasa di marduga ambulans a presenta na Airport unda pa 1:30 marduga e helicopter di kustwacht a aterisa na Airport unda paramediconan di ambulans a tuma e victima over.