Cuerpo Policial Aruba a wordo informa dia 1 September 2016 cu tin un turista cu mester a bandona Aruba dia 31 augustus 2016.
E persona en question a yega aruba riba Vuelo di KLM, dia 17 Augustus 2016 y lo tabata hospeda na holiday inn hotel. Ta trata di senjor Lanval Ewalda Javan Phillips, naci dia 5 November 1937 na St. Kitts y biba na Inglatera cu nationalidad britanico.
E persona a wordo por ultimo Mira dia 17 Augustus 2016 saliendo for di dicho hotel pa mas o menos 8:45 pm. Despues di e notificashon di parti di e hotel, cuerpo policial a start un investigashon de immediato pa lokalisa e persona aki. Cuerpo policial ta pidi cooperation na publico cu por tin information di e paradero di e persona aki y ta Hasi un apelashon na e taxista cu a transporta e persona aki di airport pa holiday inn pa tuma contacto cu tiplijn 11141 of central di polis na 100.
