Ariba 23 y 24 di Mei 2017, Señor Max Wernet, Coordinador di Ontwikkeling en Beleid, Divisie Politie Opleiding en Ontwikkeling, Korps Politie Aruba, Coördinatiecentrum Mensenhandel en Mensensmokkel Aruba a duna tur empleado di Amsterdam Manor un presentashon ariba Traficacion di Hende.
Esaki ta parti di un iniciativa di gerencia di e hotel pa concientiza e empleadonan ariba Traficacion di Hende. Tin varios aspecto cu tin di haber cu e topico aki, pero door cu nos no sa con pa reconocenan, e por pasa nos dilanti sin cu nos sa cu ta pasando. Den e diferente tipo di delito cu ta cay bou di Traficacion di Hende ta haya entre otro: explotacion laboral; explotacion di mucha; explotacion sexual; explotacion di organo.
Indicacionan di explotacion ta encera entre otro: kita papelnan di identidad; crea debenan; forsa di hasi otro trabao cu a wordo palabra; forsa di traha mas ora cu a wordo palabra; nenga di paga salario cu a wordo palabra; kita suma di e salario pa paga gastonan adicional; limita of controla e libertad di movecion; controla door di usa forsa fisico of mental; controla door di menasa of maltrato; isolacion social of dependencia multiple.
Cu e presentacion aki Amsterdam Manor kier contribui na e esfuerzo internacional di crea consenshi riba e industria ilícito aki y pa nan e empleadonan a haya e oportunidad di siña detecta y raporta casonan di traficacion di hende.