LONDON, Inglatera – E prijsnan di koper a cay diaranson cerca di e minimo di cuater luna cu a toca comiensonan di e siman debi na e temor di mercado riba e debil demanda na China tras di datonan cu mustra un descenso den e importacion di metal desde e pais.
Pa 10’or y 34, koper, riba e bolsa di metal di London, a perde un 0,15 porciento, na 5.503,5 dollar pa ton. Mas tempran den e sesion, e contrato a baha na 5.481,50 dollar, cerca di 5.462,50 dollar di dialuna, minimo desde dia 4 di Januari.
E importacionnan di China di e metal cora a cay un 30 porciento na April, na 300 mil ton y a baha un tercio respecto na un aña atras, debi cu na un panorama conteni pa e actividad industrial tabata pesa riba e demanda.
“E indicadornan economico di China ta clavenan pa koper,” Peter Fertig, analista di Quantitative Commodity Research. “E cifra pa creditonan nobo por impacta koper pasobra un nivel mas abao di prestamo lo a reduci e montonan disponibel pa e credito hipotecario,” el a agrega.
Un sondeo di Reuters ta calcula cu e banconan Chines ta otorga 714 mil miyon di Yuan den e creditona nobo luna pasa, desde e 1.02 biyon di Yuan di Maart.
Koper tabata presiona ademas pa un dollar mas fuerte. Un dollar halto ta encarece e materianan prima pa e tenedornan di otro divisanan.
Inventarionan mas halto den e deposito aproba pa LME tambe a impacta e mercado di koper. Actualmente, den e almacennan tin 339.200 ton, mas di un 30 porciento respecto na e nivelnan di dia 28 di April.
Fuente: Reuters