Mescos cu e ultimo 4 añanan, durante un ceremonia festivo Kooyman a anuncia e ganadonan di e Campaña di fin di aña. E vakantie na Orlando cu tur gasto inclui, un Samsung Smart TV cu Playstation 4 y 50 mil Fun Miles a ser gana door di Armando Figaroa, Andres Melo y Daniel Gomez. Di curason Kooyman ta yama nan pabien y ta desea cu nan lo gosa hopi di e premionan cu nan a gana.
“A bira un tradicion pa cera aña na un manera festivo cu nos campaña di fin di aña y gradici tur nos clientenan pa nan confiansa y lealdat”, segun Herbert van der Woude, CEO di Kooyman. “For di 11 di november cada cliente a ricibi lot na compra di 75,- florin of mas,cu ta dun’e chens pa gana un di e tres premionan fantastico. Hopi cliente a participa, ya ku Kooyman a emiti casi 380 mil lot en total. E campaña di fin di aña a tuma luga na e filialnan di Kooyman na Bonaire, Curaçao y St. Maarten tambe, cada isla cu su propio ganadonan.”
“Gustosamente nos lo kier gradici tur cliente pa e confiansa cu nan a duna nos empresa. Nos ta anhela yegada di 2018, den cua nos lo ta cla para atrobe pa sirbi tur hende miho cu ta posibel. Nos ta desea tur habitante di Aruba un Bon Aña y laga nos briya hunto den 2018.”