E aña aki atrobe Koningin Wilhelminafonds ta organisando su rifa mescos cu aña pasa. E ta un rifa hopi atractivo, cu bunita premionan y ta haci un yamada na pueblo, pasobra tin ainda ticketnan obtenibel, segun Lily Prins, presidente di e Fundacion. Tin personanan cu ta para na puntonan strategico, manera Ling & Sons y Stern, pariba di rotonde di Tanki Leendert.
E rifa ta costa 25 florin y e premionan ta como lo siguiente:
1. Un auto Chevrolet Sonic di 2016
2. Dos pasashi ida y buelta obsekia pa KLM pa Amsterdam
3. Mystery Travel, ta obsekia pa Maduro Travel
4. 1000 florin obsekia pa SETAR
5. Un gift certificate di Compa Leon di CMB
6. Certificado di Superfood di 1000 florin tambe
7. Pasashi ida y buelta pa Medellin, Colombia cu Insel Air
8. Pasahi ida y buelta pa Santo Domingo cu Insel Air
9. Holoshi di man obsekia pa Boolchands.
10. Gift Certificate di Ling & Sons di 200 florin.
E ticketnan ta obtenibel na Wilhelminakankerfonds. Tin algun rebendedo cu ta den pueblo ta bendiendo e rifa. E ta hunga dia 4 di December pa 7’or y mey di anochi na Telearuba. Lo bay tin notario presente pa ora di saca e premionan y awor aki e ta keda den man di pueblo, pasobra e ora ey, si cumpra un rifa, bo ta yudando Wilhelminafonds y cu e mesun placa ey ta invirti’e den pueblo.
Na April a haci e campaña cu a colecta den comunidad cu e hobennan y e aña aki, no tabata loke cu a colecta den pueblo, no tabata dje tanto ey. E tabata mas of menos 35 mil florin y banda di dje, durante e luna di April, tabata tin empresanan cu tabata bin na Wilhelminafonds cu a haci cu a haya 20 mil mas, cual a haci cu e ciere di e campaña a bira 50 mil florin. Mirando e gastonan di e fundacion, hopi biaha ta bisa cu por yora placa. Pero ta bisa si kico e gastonan cu tin ta. Tin boluntario ta traha na Wilhelminfonds. Ningun gasto di nan ta wordo cubri, pero cada persona cu yega di e fundacion aki y cu ta pasando den e momentonan crucial di cancer, pa cada un tin e momento cu ta yuda, Prins a splica.