Lily Prins di Wilhelmina Kankerfonds ta mira cu ta te ora cu e malesa bati na bo porta hende ta corda riba su salud.
Mayoria di nos no kier tende nunca nada di malesa, el a splica. Ora cu kier papia cu un persona, ta bis’e ta haciendo tal y tal cos, tene cuidao, pasobra tin cu wak bo salud. Ora cu bisa pa wak bo salud, no ta bisa esaki pa bo so. Ta papia hunto cu di bo famianan cercano cu ta hunto cubo, rond dibo. Pasobra bo sufrimento ta sufrimento di bo famia., Pero no kier acepta, ta busca semper tur cos, unda tin harimento, unda tin desordo. Pero ora cu ta yega e momento cu den serio bo tin cu mustra cu bo ta gradicido na Dios na prome luga, pa e bida cu bo tin y bo tin cu percura p’e. Bo ta yega cierto edadnan cu bo tin cu cuminsa haci tur bo testnan. Miho bo ta na tempo cu ora bo ta laat.
Pesey, ki ora cu e fundacionnan ta pone un charla, acudi. E fundacion di Prostaat ta pasa den e companianan grandi unda tin hopi hende homber ta traha, pa nan duna un charla. E ora ey nan ta papia nan cu nan hopi cla. Por ta e ora ey tin un hende homber cu por haci un pregunta.
Dia 25 di Maart tin e chens aki pa por haci e pregunta y si e hende homber no kier haci pregunta, e señora por haci pregunta. Pasobra e señora mester ta bo informa kico ta e malesa di e hende homber y e cabayero aki mester ta bon informa kico ta e malesa cu un hende muhe por confronta cun’e. Pesey ta keda y ta keda stress cu ta pidi comunidad acudi na e charla.