Voluntarionan di Koningin Wilhelmina Fonds lo ta colectando awe diasabra mainta na diferente localidad rond Aruba. Despues di dos aña sin por a tene un colecta anual debi na e pandemia, e aña aki Koningin Wilhelmina Fonds tin su colecta atrobe.
E voluntarionan lo ta den Playa, Noord y Sta. Cruz te 3’or di atardi y na San Nicolas nan lo t’ey te 1’or di merdia na BENU den Bernardstraat. Bo por reconoce e voluntarionan na e schort cora y e collectebus shinishi.
Koningin Wilhelminafonds ta ofrece servicio di thuiszorg pa pashentnan terminal y tambe ta yuda pashentnan cu cancer cu mester di tratamento y cu no tin transporte door di hiba y buscnana na Oncologie ora di tratamento. Tambe ta duna BH y protese na e damanan cu mester di esaki.
Tur e servicionan di KWF ta posibel danki na e donashonnan ricibi di personanan y instancianan y tambe e colecta anual ta yuda grandemente. KWF no ta ricibi ningun clase di subsidio y ta danki na e bondad y generosidad di pueblo nos por sigi duna bek na comunidad.