Sra. Lilly Prins presidente di Wilhelmina Kanker Fonds ta splica cu e aña aki un biaha mas lo cuminsa cu nan campaña pa recauda fondo, pa motibo di nan gastonan cu ta hopi halto.
Na e momento cu Wilhelmina Kanker Fonds ta duna asistencia na cada un persona cu mester nan yudansa. Por bisa cu na 2016, e entrada di Wilhelmina Fonds tabata 408.703,23 florin, pa cual nan ta sumamente gradicido. E suman aki nan por a logra door di donacion y e collect cu a tuma luga den luna di April, y tambe e rifa di fin di aña, sin laga afo tur e “winkelbusjesnan” cu nan tin den diferente luganan.
Sra. Prins ta sigui bisa cu nan ta gradici tanto personana individual, como personanan cu ta duna nan donacion durante aña 2016 y esey por a dunanan e oportundidad pa nan haci nan trabao. WKF ta conta ariba donacion di e comunidad di Aruba y e actividadnan cu ora cu nan ta recauda e fondo den nan fundraisining nan. Como cu nan no ta ricibi donacion y nan no tin tampoco niun sponsor. E trabao ta sosode door di e team di Wilhelmina Kanker Fonds, pa por logra esaki.
Di otro banda, mester bisa cu e gastonan di aña pasa tabata 410.438, 20 florin. Aki por mira e diferencia cu tabata tin toch un deficit chikito. E gasto mas grandi ta keda, trece tur aña ta e necesidad di cuido di pashent terminal na cas. E gasto di thuiszorg ta tuma den beslag 44.3% di tur e gasto cu nan tin anualmente.
Gastonan di thuiszorg ta mas tanto material y training. E otro gasto grandi cu WKF tabata tin na 2016, tabata e proyecto di prevencion, via di informacion, educacion y esaki a hiba un total di 23.7% di nan gastonan.
Por compronde cu e momento di e gasto cu tin pa charla, programa via television y via medianan social. E ayudonan cu WKF ta duna, y particularmente e proyecto cu nan tin di transporte tambe ta gastonan cu ta keda crece tur aña y aki ta papia di un 10% di e gastonan. Di esaki 6% ta bay pa gastonan di borstvasectomie. Segun Sra. Prins, tin 4 sorto di prothese. Nan tin e prothese, cu e señora ta haya ora cu e caba di opera, cual ta uno temporal. Y esey, despues e ta haya e prothese di silicon, depende e operacion, pasobra si ta masectomie, dus cu ta kita full e pecho afo, e ta haya e silicon prothese. Y tambe ta haya un otro prothese ora di bay landra. E prothese di lumptectomie y masectomie, esey ta danki na AZV cu durante e ultimo 10 añanan aki, conhuntamente cu Wilhelmina Kanker Fonds, e ta provee y e ta paga e gasto aki. Esaki kiermen, cu ora cu pidi un señora cu ta yega na porta di WIlhelmina Fonds, y bis’e cu mester di su AZV, y un carta di dokter, no ta cosnan cu ta haci riba nan mes, pero mester duna cuenta na AZV tambe, pa nan haya e placa bek.
Gastonan final di 13.92% ta e gastonan cu nan ta haci na momento cu pone un fundraising, manera e rifa, nan tin gastonan. Den e April actie tambe tin gasto. Pasobra ora cu e personanan cu ta bay colecta, mester provee nan di nan cuminda merdia y tambe ora cu nan sali nan hiba pa nan come. Y gastonan di oficina, pa e por draai, awa, lus y telefon, etc. eseynan tambe nan mester percura pa nan, segun Sra. Lily Prins, presidente di Koningin Wilhelmina Kanker Fonds.