DEN HAAG, Hulanda – Klokkenluider Frits Veerman, kende a trece na cla spionage nuclear for di añanan 70, a acudi na “Huis voor de Klokkenluiders”. E kier pa su honor wordo reestableci y un daño y perhuicio pasobra e ta haya cu Gobierno Hulandes a trat’e malo y inhusto.
Veerman a adverti 40 aña pasa en bano pa e spion Pakistani Abdul Khan. A bin resulta despues informacion sensitivo a wordo horta na Urenco, un producente di uranio. Veerman mientras tanto a perde su trabao y su carera a caba.
Hulanda ta coresponsabel pa e desaroyo di e bom atomico Pakistani.
“E caso aki ta demasiado grandi pa hink’e den un caha di olvido, pami personalmente, pero tambe pa mundo. Hulanda ta coresponsabel pa e desaroyo di e bom atomico Pakistani,” Veerman a bisa.
E ley Cas pa Klokkenluiders a drenta na vigor dia 1 di Juli 2016. E ley aki ta protehe y yuda empleadonan cu a haci denuncia cu ta na bienestar di sociedad.
Fuente: NOS.nl