AMSTERDAM/MADRID- Subi un avion y biaha pa otro luga di mundo ta full un reto, no solamente pa e gasto sino tambe pa loke por tuma luga durante e trayecto.
For di compañeronan di biahe cu ta haci desordo y tambe cuminda malo, te cu empleadonan grosero cu falta di etica.
Recientemente a bin den publicidad cu’n matrimonio di adultonan mayor Spaño a wordo baha di un avion di KLM, un rato prome cu el a lanta vuelo for di Amsterdam, Hulanda rumbo pa Spaña.
Vuelo Amsterdam-Madrid.Sacan a un pasajero español de un avión porque no hay nadie en la tripulación que pueda hablar con el en su idioma. el piloto dice que era imposible comunicarse con él. Vergüenza de compañía #Klm #klm #Aena @KLM @KLM_ES @KLM_AR @KLM_MX pic.twitter.com/et3a8Y5SZI
— Gonzalo Rubio Diaz (@grubio92) November 5, 2018
Segun informacion compila, e incidente a tuma luga dia 5 di november door di un discusion pa motibo di cu e homber no tabata compronde e steward.
Tur cos a cuminsa ora cu e trahado kier a move e maleta di e pasahero na un manera bruto, sin cu e tabata sa cu den e maleta tabata tin un computer.
Esaki a provoca un malcomprondementeo cu a yega na tal punto, cu a duna ordo pa baha e pasahero y su casa.
Prome cu nan a baha, e homber a splica e situacion na e otro pasaheronan y a pidi despensa pa e incidente:
“Mi tabata tin un pleito chikito cu e tripulacion. Nan kier a move un maleta di mi y mi a bisanan pa, por fabor, no mishi cu e tas ya den dje tabata tin un computer y pa esaki no daña”, e adulto mayor a splica.
Algun testigo a graba parti di e incidente y a comparti esaki riba rednan social, mustrando nan indignacion pa cu e situacion y pa demostra nan apoyo na e pareha.
Sin embargo, na luga cu e compania aereo ofrece nan disculpa, e ta tilda e pareha di anciano di “menasante” y a hustifica e actuacion di e tripulacion.