KLM ta anula 159 vuelo debi na tormenta pisa

Reino: KLM ta anula 159 vuelo debe na e tormenta pisa cu ta wordo spera na e aeropuerto Schipol. E compania a bisa cu a avisa tur e pasaheronan p’asina nan tene cuenta y nan a wordo geboek cu otro aeroliña pa otro destinacionnan. Debi na e tormenta pisa ta solamente un pista di aterisahe por wordo usa y pesey mester a cancela vuelonan pa baha e fluho di avionnan un tiki. KLM a pone e codigo geel ya cu ta wordo spera bientonan fuerte for di e parti noort west. Segun informe ta wordo spera bientonan di casi 100 kilometer. Rotterdam tambe ta preparando pa e prome tormenta di aña y ta spera di haya nivelnan halto di awa cu por causa hopi problema. Habitantenan di Rotterdam a wordo avisa pa no laga nan autonan para serca di lugarnan cu ta cai bao di e nivel di awa. Debi na e tormenta no por bay recoge dos container cu tin pega riba rif, cual containernan esunnan di e barco cu a cay na awa.

Comments

comments