Diamars 10 di Januari 2017, di 7 pa 9 or’ di anochi, Taoist Tai Chi Society Aruba ta ofrece un klas di introduccion gratis na su Centro na Stadionweg 13 y den gymzaal di Prome Paso Kleuterschool na Savaneta.
Practica Taoist Tai Chi ta bon pa personanan di tur edad. E tin hopi beneficio pa salud fisico y salud mental. Entre otro e ta yuda cu circulacion di sanger, ta stimula e sistema limfatico y ta mehora balans. E ta calma e mente door di practica den silencio den un ambiente trankil. E aspecto aki ta hopi importante pa tur esnan cu ta biba cu e stress continuo y diario cu bida di awendia cu tur su exigencianan ta trece cun’e. Pa lesa mas of wak video tocante e beneficionan di Taoist Tai Chi por bishita www.taoist.org
Durante e klas gratis di introduccion diamars 10 di Januari venidero tambe por registra pa asina cuminsa practica di biaha. Tur esnan cu den pasado a practica Taoist Tai Chi por cuminsa bek sin paga pa registra di nobo.
Pa mas informacion por check e Facebook page di Taoist Tai Chi Society Aruba of yama tel. 593-4463.