Recientemente e club di servicio Kiwanis Young Professionals Club of Aruba (KYPA) a organisa un anochi sumamente agradabel na Stars Karaoke. Durante e anochi e miembronan por a disfruta di un anochi social. Apart di e parti aki tambe a tuma e oportunidad pa instala un miembro nobo y tambe duna gradicimento special na algun miembro.
Despues cu e la wordo introduci door di Sherellise Ras el a sa sa di demonstra su amor y passion pa duna bek. Esaki a haci cu no a duda di yam’e bon bini den e famia di KYPA. Ta trata aki di e hoben Illiene Hernandez. Durante e anochi el a ricibi su “pin” y ta oficialmente miembro di KYPA.
Mirando cu e aña kiwanistico a termina e presidente di e club Sr. Brian Croes a tuma e oportunidad pa gradici cada miembro cu tabata activo durante e ultimo aña. Naturalmente tin algun cu a sobresali y esakinan a wordo reconoci tambe.
Sr. Randy Croes como tesorero di e club a haya un reconocimento special pa su esfuersonan continuo pa e club y pa ta e man drechi di e presidente. Otro miembro cu a haya reconocimento ta Srta. Lativa Maduro. Lativa a sa di pone hopi esfuerso den tur e proyectonan cu tabata recarda recauda fondo. E.o Sushi Night y Summer Glow. Tambe KYPA a premia Sr. Taino Heinze. Taino y su comision tabata responsabel pa retene e miembronan y tambe pa atrae miembronan nobo cual el a haci den un forma sumamente exitoso. Finalmente tambe a premia Sherellise Ras di e comision di proyectonan comunitario. Mirando cu e meta principal di Kiwanis Young Professionals Aruba ta pa duna bek na comunidad Sherellise tabata encabesa e comision aki kendenan a haci hopi mucha y famianan contento. Esaki por medio di programanan manera “Christmas in a Box”, “Big Brother / Big Sister” y recientemente verfmento di St. Aloysius School.
Finalmente otro miembro cu tambe a ricibi reconocimento ta Sr. Andre Kelly. Andre ta persona cu a fungi como un tata, maestro y lider ehemplar pa a guia e club di mucha cu ta wordo patrocina pa KYPA esta K-Kids.
Un toke bunita cu e president di e club a haci ta cu el a entrega un recuerdo personalisa na cada un di e miembronan di e club. Esaki a wordo haci pa gradici nan pa duna di nan tempo liber na nos comunidad.