Recientemente Kiwanis Club of Young Professionals Aruba (KYPA) a instala su directiva pa aña 2016-2017.
Den un ambiente masha relaha a ricibi tur miembro y invitados na Quinta Del Carmen. Aki tur a wordo yama un Cordial Bon Bini y por a disfruta di un tremendo plato. President saliente, Brian Croes a hiba palabra y a haci entrega di un reconocimento na e Kiwanian of the Year 2015-2016 cual a keda den e persona di Lativa Maduro. Lativa tabata Fundraising Director, a yuda organisa varios evento y semper ta dispuesto pa coopera y yuda cu tur proyecto.
Despues di esaki Brian Croes a duna su discurso di despedida pa asina duna espacio pa instala e Board of Directors nobo. Board of Directors ta Taino Heinze, Iliën Hernandes, Lativa Maduro, Ron Martis, Zanette Refunjol y Sonam Sujan. Tambe e anochi aki a instala e Daily Board cual ta, Bryan Nemecek, President; Randy Croes, Tesorero y President Elect; Cindy Wernet, Vice-President; Sherelisse Ras, Secretaria y Brian Croes, Immediate Past President.
Despues di bunita palabranan di entrada di President Bryan Nemecek, a surprise dos persona y asina instala nan como miembro nobo di KYPA. E persona nan aki ta Stephanie Daal & Nylamee Wanga. KYPA ta yama nan un cordial Bon Bini.
Kiwanis Club of Young Professionals Aruba ta duna masha pabien na e board saliente y ta duna un palabra di exito na e board 2016-2017. Hopi exito pa por sigui contribui na comunidad.