Kiwanis Club of Young Professionals Aruba (KYPA) un biaha mas tin e honor pa duna bek na comunidad. E biaha aki a toca turno na Rockets Baseball Organization pa ricibi un bunita gesto.
Diamars atardi grupo di Rockets y tambe miembro nan di KYPA a yega hunto riba veld di Rockets na Santa Cruz pa asina hasi entrega di materialnan manera bala, gloves, bat, set pa catcher y tas. Aki mucha y mayornan tabata sumamente contento di por a ricibi esaki.
KYPA ta para pa yuda nos muchanan y asina creando futuro lidernan den nos comunidad. Aki nos kier a contribui na futuro lidernan den e deporte di baseball. Nos ta sigur cu e materialnan aki por yuda e muchanan yega mas leu den e deporte cu nan ta eherce, sr. Brian Croes, Presidente di KYPA ta comenta.
Sr. Randy Croes, Tesorero di KYPA tambe a hiba palabra y ta sumamente contento cu Rockets a acerca KYPA cu nan peticion, cual no a duda niun rato pa haci e donacion di e materialnan aki na e organisacion.
KYPA sigur kier a gradici tur persona y comerciante nan cu a contribui durante aña cu e organisacion pa asina por a recauda fondo pa haci donacion nan asina aki posibel. Sin lubida un Masha Danki ta bay na Complete Logistics pa contribui tambe cu e donacion di material pa Rockets Baseball Organization.