Eliminate Maternal Neonatal Tetanus ta un proyecto pa recauda fondo pa combati Maternal Neonatal Tetanus mundialmente.
Tetanus ta un bacteria, cu vooral na paisnan caminda problema di higiena ta hunga un rol, ta manifesta su mes hopi.
Consecuencia ta cu tanto e baby y e mama ta fayece dentro di un tempo cortico. Pa combati esaki Kiwanis international, cu Aruba ta bou dje, ta bezig ta recauda fondo pa asina distribui vacuna nan pa e paisnan aki.
Pre-Motherday’s Gift
Mirando e motibo y e temporada nos ta pensa cu esaki ta un perfect “Pre-Mother’s day gift”.
Kiwanis Aruba ta organisando un Nostalgia Sixties Party, pa asina como un forma di regalo pa mama y alabes pa recauda fondo pa e bunita proyecto aki. Entrada lo ta 90 florin pa persona y lo ta diasabra, dia 8 di Mei.
E evento lo tuma luga den e ballroom na Hilton Aruba Caribbean Resort & Basino y lo cuminsa pa 8’or di anochi te cu 1’or di marduga. Lo bay tin un cash bar y snacks.
Ticketnan ta obtenibel na Thrifty Car Rental na Wayaca 33-F, telefon 5834042 y cerca tur miembro di Kiwanis Club of Palm Beach.