Srta. Keyla Reeder Club Secretary at Kiwanis Club of Aruba a splica cu Kiwanis adviser ta pa duna guia y sosten di parti di Kiwanis Club of Aruba, cual ta e sponsorclub pa e Buildersclub di Mon Plaisir College y tambe guia e hobennan di ehecuta proyectonan manera e evento di Prom, dia 9 di Juni proximo.
BuildersClub di Mon Plaisir College ta un sponsoredleadership program di Kiwanis Club of Aruba. Actualmente nan tin 5 club cu nan ta sponsor. Nan ta Kiwanis Club cu ta forma parti di e famia grandi di Kiwanis Club of Aruba. Esaki ta pa stimula e hobennan pa duna bek na nos comunidad, siña mas di kico ta leadership, con pa ehecuta un proyecto. Con pa hinca esaki den otro, siñanan e balor di trabao comunitario.
Di parti di Kiwanis Club of Aruba, nan mes lo ta chaperonne ariba e anochi akinan. Mayornan por tin confianza cu lo tin adultonan presente pa por tira bista ariba e muchanan. E evento akinan ta pa muchanan menor di edad. Pues lo no tin alcohol disponibel na e bar ni na e evento. Kiwanis Club ta kere cu ta hopi importante pa stimula desaroyo di hobennan. Nan ta para firme cu ora ta un evento di mucha, ta lag’e pa mucha eigenlijk.
Aña pasa tabata nan prome Prom Event y esaki tabata exitoso. E idea di e prom ta pa recauda fondo pa sigui cu e trabaonan comunitario pa Aruba. E consumidor di un ticket ta contribui na e proyectonan aki, segun Srta. Keyla Reeder, di Kiwanis Club of Aruba.