Diadomingo 16 di maart, Kiwanis Club of Aruba (KCA), e service club cu ta celebra su 60 aña di existencia, a organisa su famoso torneo di golf caritativo na The Links at Divi. E evento a wordo sosteni door di Aruba Trading Company como patrocinador principal, Elite Productions como patrocinador pa audio-visual, Yrausquin como patrocinador di e premio ‘hole- in- one’, 20 hole sponsors y alabes un cantidad di 88 hungadonan di golf.
Durante e ceremonia di premio ambos Brighter Future Academy y Stichting Hunto a ricibi cada un, un donacion di AWG 5000. E resto di e fondonan recauda ta wordo aloca na otro proyectonan y donacionnan di KCA manera por enehempel ‘Back to School’.
Jokoeza Hooplot, chair di e commission di golf ta comenta: “E torneo conmemorativo marcando KCA su 60 aña, tabata un exito rotundo. E dia tabata uno yena cu ambiente y competencia amical entre tur ekiponan. Un danki di curason na nos socionan y patrocinadornan principal: Aruba Trading Company , Yrausquin, The Links at Divi Aruba y Elite Productions pa unabes mas colabora hunto cu KCA como un ekipo solido pa logra e exito di nos 15 torneo di golf caritativo”.
E ganadonan di e torneo ta como lo siguiente:
Closest to the Pin: Theo Geerman
Longest Drive Ladies: Jacqui Ingrassia
Longest Drive Men: Jair Bogaerts
Best Gross: Eddy Rivera, Antonio Fanianos, Diego Galindez & Orlando Luzardo
Best Nett: Harold Hagens, Rafael Gallardo, James Oduber & Albert Raven
KCA ta dedica e torneo di 2025 na difunto miembro distinguido,Gordhan Daryanani, y alabes ta extende un danki di curason na tur hungado y hole sponsor (secuencia alfabetico): Advance HR, Aeropuerto International Reina Beatrix, AIB Bank, Arugas, Astec, Atlas Risk Solutions, Axioma Corporation, Banco di Caribe, CMB Bank, Compliance & Forensic Services Caribbean, Discovery Travel, Ennia Insurances, Interport Logistics, Nagico Insurances, Papia Mia, Payroll Pro HRM, Professional Roofing Que Pasa, RBC bank, Total Finance y Travis Fireworks pa nan sosten financiero den e torneo aki.
Kiwanis Club of Aruba ta existi desde 21 di november 1964 y ta un di e service clubs mas antiguo di Aruba cu un total di 40 miembro. E meta principal di KCA ta pa mehora e bidanan di muchanan na Aruba. Esaki ta wordo realisa door di organisa diferente proyectonan pa recauda fondo, trabounan boluntario y proyectonan di concientisacion. Pa mas informacion tocante Kiwanis Club of Aruba por fabor bishita https://www.kiwanisclubofaruba.org of nos pagina riba Facebook.
