Den un conferencia di prensa, e hoben Tai Kong Trimon ta informa y invita e pueblo di Aruba pa asisti na e evento di prom cu ta un evento pa tur studiantenan di scol secundario. Tur fondo recauda lo bai bek nos nos comunidad.
E hoben Tai Kong Trimon ta consdera cu mester duna e hubentud su luga, ya cu mayoria evento ta wordo organisa pa e 60+ nan, adultonan y ta ser considera cu e hobennan tambe merece di tin un evento asina.
Segun Tai Kong, e evento a tuma hopi tempo, dedicacion, esfuerso, y perseverancia di cada un di nan, pa duna di nan mes. El a sigui splica, cu tin un diferencia, ya cu tin planes pa cada aña bin cu algo nobo y no keda cu e mesun estilo semper. Lo bin cu cierto cambionan cu ta causa un diferencia cu ta hacie mas interesante y cu hendenan ta haya mas smaak pa bin.
Tur aña ta e temanan ta wordo cambia cada aña y loke nan kier logra ta pa haci e hendennan mas interesa pa e Prom Night Event. El a duna como ehempel, tabata tin uno cu a bay hopi bon, exitoso y esaki tambe nan kier logra e mesun cos. Pa e tambe causa furor, segun Tai Kong Trimon.
Ta pidi pa tur hoben bin cu hopi energia y hopi entusiasmo, pa bin pasa un anochi ameno. E ta pa tur scol secundario. E ta di edad 13 pa 18 aña. Dus pa tur scolnan secundario. Den cierto aspecto, of si p.e. Mester drecha algo chikito, mester p.e. Verf, esey nan ta duna como club di nan scol, pa asina nan tambe tin un ambiente bon pa educa nan mes pa futuro.
E dresscode pa e anochi aki ta Gala. esey ta encera full suite, y pa e damanan un shimis largo.