Kiwanis Circle K of EPI ta den pleno preparacion pa nan segundo evento pa recauda fondo pa e aña Kiwanistico 2018 – 2019 cual ta un Carwash. E meta di e Carwash ta pa e hobennan haya e fondo necesario pa asina por asisti na Circle K International Convention, cual e aña aki ta tuma lugar na Chicago, Illinois. Na dicho congreso e hobennan ta asisti na diferente seminario educativo pa asina nan ekipa nan mes y demas miembronan di e club pa bira lidernan den nos comunidad na un edad hoben. E hobennan ta siña mas referente di Kiwanis Circle K como tambe haya e hermentnan necesario pa nan formacion como lider, y pa ta consciente di e importancia pa duna bek na nos comunidad y esunnan den mas necesidad.
E CARWASH ta tuma lugar diadomingo 24 di juni cuminsando pa 9’or di mainta te cu 5’or di atardi na EPI Parkinglot. Lo tin un “cash” bar disponibel durante dia cu cos di bebe y un variacion di cuminda delicioso. E carchi pa e CARWASH ta obtenibel cerca tur miembro di Circle K of EPI y pa mas informacion por tuma contacto cu Shilline na 7419700.
Pueblo di Aruba ta keda cordialmente invita pa asisti na e CARWASH di Kiwanis Circle K of EPI dia 24 di juni venidero. Aportando na e actividad aki ademas cu bo auto ta keda limpi, ta yuda tambe e hobennan pa cubri e gastonan adicional, pa asina por logra nan meta di bay e congreso y contribui na e progreso di nos futuro lidernan di Aruba. Pa mas informacion di Kiwanis Circle K of EPI su actividadnan por bishita e pagina di Facebook www.facebook.com/CKEPI