Recientemente e miembro nan di Kiwanis Circle K di Universidad di Aruba a organisa un exitoso health day pa e studiante nan y staff di Universidad di Aruba. Siendo studiante, e miembronan di CKI sa cu mayoria biaha nan ta druk y no ta tuma tempo pa nan mes. CKI kier promove un bida mas saludabel, no solamente mental pero tambe fisico. Esaki tabata un di e motibo nan principal pa organisa e health day.
A invita dos organisacion renombra pa haci un bishita na Universidad di Aruba, den e caso aki IBiSA y Aruba Vision Center.
E profesional nan di IBiSA a ubica den un local di Universidad di Aruba y asina por a conduci e testnan, cual tabata entre otro test di sucu, presion y colesterol. Na final di e testnan, e pashent a haya un splicacion extenso di e dokter cu ta encarga cu esaki na IBiSA. Tur persona cu a haci uso di e oportunidad di e health day a haya un boter di awa y un fruta.
E profesionalnan di Aruba Vision Center a haci checkeo di bista cu nan mashin di Auto Refractor y a haci checkeo di presion di wowo tambe. Presion di wowo ta importante pa check regularmente mirando cu e ta un di e causantenan principal di glaucoma.
Segun nos por a compronde di Aruba Vision Center esaki ta un campaña di prevension.
E staff y studiantenan di Universidad di Aruba a keda hopi contento cu e trato y e servicio di ambos organisacion, y ta desea pa organisa esaki regularmente.
Kiwanis Circkle K kier a gradici Universidad di Aruba, IBiSA y Aruba Vision Center pa nan aporte na e health day aki y pa a haci’e un exito.