Diabierna anochi alarma a keda bati pa e kiosco cu tin dilanti kong hing supermarket den Havenstraat ta na candela. Di biaha a despacha unidad di brandweer y polis cu urgencia. Polis a cera parti di e caminda evita auto yega cerca, e candela tabata grandi y bomberonan a drenta accion di biaha manera cu a presenta na e sitio.
Tabata e kiosco cu tin basta tempo cera dilanti e supermercado menciona, desconoci con esaki a pega candela. E candela a keda completamente domina.