PYONGYANG, Noord Korea – E lider di Noord Korea, Kim Jong-un a adverti na e presidente Mericano, Donald Trump, cu “e lo paga caro” pa su menasanan contra e regimen di Pyongyang den e Asamblea General di e Organisacion di Nacionnan Uni, segun e agencia estatal di noticia KCNA a informa.
“Mi lo haci cu e homber cu tin e prerogativa di e comando supremo di Merca paga caro pa su discurso yamando esaki pa distrui totalmente e Republica Popular Democratico di Korea, Kim Jong-un a sigura.
E lider di Noord Korea a agrega cu “mi ta pensando den ki respuesta mi lo ta sperando (Donald Trump) ora cu el a permiti cu e palabranan excentrico a sali for di su boca.” Ademas el a cualifica e Mericano di ta “trastorna.”
E presidente di Merca, Donald Trump, a bisa durante su discurso den e di 72 Asamblea General di e Organisacion di Nacionnan Uni, cu frente na e recurente ensayonan nuclear di e regimen di Pyongyang, “Merca tin un gran fortalesa y pasenshi, pero si e tin cu defende su aliadonan e no lo tin mas opcion cu distrui Noord Korea.”
Fuente: www.ntn24.com