Kijkdag na warda di Oranjestad pa material confisca

Cuerpo Policial Aruba ta organisa un “kijkdag” na Warda di polis Oranjestad. Si bo a perde bo articulo den of otro forma, bo por pasa libremente na e dicho warda pa reconoce bo articulonan.

Pa bo por prueba cu bo ta doño di e articulo, tin algun rekesito mara na esaki cu bo mester cumpli cu ne. E siguiente documentonan cu bo mester bin cu ne ta: ID, rijbewijs of paspoort valido. Un comprobante of recibo di e articulo cu bo a cumpra of ta doño di dje.

E invitacion ta keda na comunidad pa por pasa diasabra 05 juni 2021, entre 9o’r mainta te cu 1o’r di atardi na Warda di Polis Oranjestad situa na Wilhelminstraat 2. Tene na cuenta cu mester mantene na reglanan stipula di COVID-19.

Bo ta reconoce algun articulo riba e potretnan aki, nos ta invitabo pa yega cerca nos!

Comments

comments