Pa futuro lo por mira mas hurista
Den un entrevista cu Minister di Husticia Sr Andin Bikker a comenta cu e parti di hurista ta hinca den e presupuesto y un di e punto di salida di maneho ta cu kier introduci un academia di ley y e no ta necesariamente cu mester tin gasto adicional. Minister Andin a comenta manera bo gradua como mesteer in de rechten no necesariamente bo tin e abilidad pa traha ley, normal bo mester bay como dos aña despues cu un persona caba di gradua pa por versa bo mes den traha leynan.
Loke kier introduci na e academia di ley unda ta purbando pa haci esaki posibel ta unda ta den cooperacion pa haya technische wijsaan, y awor aki ta evaluando pa manda of un dos hurista cu lo por tin abilidad di academia di traha ley. Esaki lo bay siña nos hendenan local cu ta interesa pa nan por versa nan mes. Esaki lo bay haci cu lo solucion e tiki personal como hurista cu tin actualmente, unda ta un team chikito tin y den e mes un personanan aki ta esnan cu tin cu traha presupuesto, landsbesluit, y diferente otro leynan. E motibo pakico kier bin cu e academia di ley na Aruba ta pasobra constantemente bo mester update bo leynan pasobra tur cos ta bay rond di ley. Na final di dia e constitucion di ley di mas halto ta tratado internacional y eynan bo tin e otro ordenansanan te cu e decreto ministerial. Basicamente cualkier tematicamente bo pensa riba dje e tin un ley cu basicamente ta regla esaki minister Bikker a comenta. Esaki ta pone cu si bo tin leynan anticual di 1908, 1889, y nos ta bibando den 2018 obviamente tin hopi ley ta anticual y esaki ta pone cu mester realisa. Ta bezig cu Hulanda pa dos hurista por bin Aruba pa duna curso pa instrui esnan cu ta interesa aki y cu e wetgevingtechniek pa e ora ey nos tin un grupo mas grandi di persona pa yuda modernisa nos leynan.