NEW YORK CITY, New York – Alcalde di New York City, Bill de Blasio, a wordo sosteni dialuna pa activistanan di comunidad, lidernan laboral y coleganan politico di e partido Democratico, pa asina oficialmente bin cu un proposicion pa bin cu un “millionaires tax” pa yuda drecha nan sistema di subway (metro) y yuda esnan cu salarionan mas abao.
“Hende no kier pa e locura aki continua,” de Blasio a declara, citando hendenan cu ta traha den circunstancianan pesimo, buscando nan yiunan laat y perdiendo citanan cu dokter, debi na retrasonan di e subway.
Henry Garrido, director ehecutivo di Distric Council 37, e sindicato di labor municipal, a bisa cu tin biaha hasta hendenan cu tin e tarea pa drecha e subway, no por yega nan trabao na tempo.
E cantidad di retrasonan di e subway a triplifica den e ultimo 5 añanan na 70 mil pa luna, y treinnan ta yena dimas riba algun di e liñanan. Mas of menos 5.7 miyon di hende ta coy e metro riba un dia normal di trabao.
Durante e conferencia di prensa di e alcalde, oradornan a pone enfasis cu e belasting aki solamente lo afecta un man yen di pagado di belasting, mas of menos 30 pa 35 mil, tur di nan den New York City. E belasting, cu lo genera mas of menos $800 miyon anualmente, lo por aumenta e “top income tax rate” for di mas of menos 3.9 porciento pa 4.4 porciento pa parehanan casa, cu ta gana mas di $1 miyon y individualnan cu ta gana mas di $500 mil.
Na su turno, nan a bisa, cu e mehoracionnan lo fuel e economia, beneficiando tanto pober como rico.
Fuente: http://abc7ny.com