wor cu tur nos muchanan ta bek na scol, Aruba Triathlon Association lo tin nan prome actividad plania cual ta e tradicional Kids Off Road Aquathlon pa muchanan te cu 16 aña. E evento di off road aquathlon lo inicia pa 7or di mainta y lo tuma lugar na Arashi, e diasabra 25 di augustus. Por participa como individual of den ekipo di relevo. Lo bay tin tres categoria di Kids cual ta femenino/masculino 7 – 8 aña cu lo core 500 meter despues mester landa un total di 50 meter y por ultimo core un distancia di 500 meter. Den e categoria di 9-10 y 11-12 aña esakinan lo mester core 1km despues landa 100 meter y completa e evento unda lo mester core 1km. Por ultimo den e categoria di 13-14 y 15-16 nan lo inicia cu e careda di coremento riba un distancia di 1.5km despues landa 200 meter y completa e careda cu un coremento di 1.5km.
Den e deporte di triathlon tin varios di nos atletanan hoben cu tin un bon nivel di competencia y ta sobresali den e diferente eventonan tanto na Aruba mes y den exterior. E tri-atleta Giannon Eights cada bes ta duna sorpresa y awor mes ta preparando pa representa Aruba den e Weganan Olimpico Hubenil na Buenos Aires, Argentina. Di otro banda nos tin e mas hobennan manera Christiaan Jansen cu a logra e reconocimento como atleta infantil masculino di anja.
Stichting Sportsubsidie Aruba a yuda subsidia e Kids Off Road Aquathlon organisa pa Aruba Triathlon Association
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na Stichting Sportsubsidie Aruba