Kids Aquathlon na Rodgers Beach

0
RBC Juli 2018
Funmiles-2018

Diasabra 10 di Maart, e federacion di triatlon, ATA lo organisando nan prome Kids Aquathlon pa muchanan te cu 16 aña. E evento di aquathlon lo inicia pa 7or di mainta y lo ta Pariba di Brug esta na Rodgers Beach den Colony. E disciplina di aquathlon ta consisti di coremento na pia, landa y finalisa bek e competencia cu un recorido coremento na pia.

Lo bay tin tres categoria di Kids cual ta femenino/masculino 5 – 6 aña y 7 – 8 aña cu lo core 500 meter despues mester landa un total di 50 meter y por ultimo core un distancia di 500 meter. Den e categoria di 9-10 y 11-12 aña esakinan lo mester core 1km despues landa 100 meter y completa e evento unda lo mester core 1km. Por ultimo den e categoria di 13-14 y 15-16 nan lo inicia cu e careda di coremento riba un distancia di 1.5km despues landa 200 meter y completa e careda cu un coremento di 1.5km. Mester bisa cu e biaha akia dicidi di bini cu un categoria di e mas chikitonan esta 5 – 6 aña di edad pa asina motiva nos chikitinan sera conoci cu e coremento na pia y e landamento den lama. Den e ultimo añanan, a keda demostra cu nos atletanan di triatlon na Aruba tin un nivel considerabel di competencia y cu nos ta sobresali den e diferente eventonan di triathlon cu nos bishita den exterior esaki den mucha y adulto. Den e ultimo tres añanan nos muchanan a hasi bon papel den e Kids Triathlon na Corsow unda a logra triunfa cu mayoria di e premionan.

Un danki sigur na Lotto, e Loteria di Aruba pa medio di Stichting Sportsubsidie Aruba cu a subsidia e Kids Aquathlon na Rodgers Beach diasabra awor 10 di maart.

Cumprando weganan di Lotto, e Loteria di Aruba manera Catochi, 1-Off, Big 4, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e diferente weganan di Raspa Y Gana bo ta contribui na deporte ribanos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.

Comments

comments

C: Heineken
new india