Esaki ta e siman!!! En total 25 participante lo participa Diadomingo awo den e di 7 edicion di Kids & Teens Christmas Song Festival 2019. 25 cancion di Pasco na Papiamento. Caarchi ta obtenibel serca tur participante y serca Julisa Boekhoudt y por tuma contacto na number di telefon 592-6185. Manera conoci esaki ta e di shete edicion di e festival aki caminda e muchanan ta haya chens pa expresa nan mes y demostra nan talento pa canto. Tur a train hopi duro durante e ultimo simannan y nan ta wordo compaña dor di un banda en bibo, cu ta bao direccion di Danny Koolman. Pues Diadomingo awo tur hende mester ta den Cas di Cultura pa apoya e muchanan aki cu algun di nan ta subi escenario grandi di Cas di Cultura pa prome biaha. E festival ta cuminza 2’or di atardi y si bo kier ticket di entrada bo por check serca e participantenan of yama Julisa Boekhoudt na cellular 592-6185. Nos ta topa Diadomingo 3 di November, 2019 den Cas di Cultura.
