Diahuebs 1 Maart 2018 den oranan di merdia personalnan di DOW acompaña pa Polis e parti di un departamento di planoloog a cera e caminda cu ta conduci pa crusada super food riba rotonde Sasaki. Ta conoci caba e camindanan cu ta cera cu no por yega e crusada unda e luznan di trafico ta na super food pa por lo menos 3 luna di trabou. Mester tuma e alternativa y den oranan di atardi esaki a bira un caos, hendenan pega den trafico pa basta rato. Esaki a pone cu el a yega na oido di Minister di infrastructura y a reuni cu director di DOW pa asina combersa cu e compania cu tin e proyecto Motaengil pa busca un mihor solucion debi loke a pasa no por continua.
Esaki a bira un polemica riba facebook unda hopi ta cuestiona cu pakico mas rotonde unda e luz di trafico ta masha bon cu e crusada pero e sistema cu Aruba ta uza pa luz di trafico no ta confiabel cu a keda cambia pa Gobierno anterior y e sistema no ta sirbi pa nos sistema tropical.
E parti complica ta cu Gobierno no por para e proyecto aki debi cu ta gelink cu e Watty Vos Blvd y un proyecto firma pa miyones cu e Gobierno anterior a laga y mester continua cu trabounan debi cu ta pais Aruba ta pagando caba basta miyones pa cu esaki y no por kibra cierto contractnan.