GRANADA, Spaña – Den e ciudad Spaño Granada diadomingo mainta, un Hulandes a wordo mata cu un cuchiu. Polis Spaño a detene dos homber di 21 y 22 aña respectivamente. Segun e corant Spaño ABC, e victima lo ta un “homber Hulandes cu descendencia Arabe.” Ministerio di Asuntonan Exterior a pone su famianan na haltura y no por a duna mas detaye. Polis local na Granada ta investigando e caso.
“Lieve Jongen”
ABC a skirbi cu e homber a wordo hiba hospital rond di 8’or di anochi. Eynan, despues di reanimacion, a muri door di e heridanan. Un di e sospechosonan tambe lo mester a wordo herida. E lo mester a haya algun golpi na su cabes.
E corant Het Eindhovens Dagblad a palabra cu e scol caminda cu e victima, e kickboxer di 21 aña tabata miembro. E doño a yam’e “un hoben hopi lief, leuk y yena cu talento. E tabata tin un curason di oro.”
Fuente: RTL Nieuws