Vacunanan ta ofrece proteccion contra enfermedadnan infeccioso. Y aunke ya bo no ta un mucha, por ta ainda bo mester ricibi algun inyeccion pa mantene bo mes a salvo.
E vacunanan pa adulto ta recomenda a base di nan edad, na vacunanan previo ricibi, e estado di salud, estilo di bida, ocupacion y posibel biahenan.
E calendario ta wordo actualisa cada aña y e cambionan ta bay desde adicion di un vacuna nobo na e ahuste di e recomendacionnan actual.
A lo largo di e bida adulto ta recomenda vacunanan pa obtene proteccion y mantene contra e siguiente afeccionnan, Centronan pa e control y Prevencion di Enfermedad (CDC) ta conseha:
Influenza (griep) estacional (pa tur adulto).
Tosferina (pertussis) (pa tur adulto cu no a ricibi e vacuna Tdap y muhenan durante cada embaraso).
Tetanus y difteria (cada 10 aña despues di e vacuna Tdap)
Gordelroos (pa adultonan mayor di 60 aña)
Enfermedadnan neumococico (pa adultonan mayor di 65 aña y adultonan menor di 65 cu tin afeccionnan determina, manera por ehempel Virus di Imunodeficiencia Humano (HIV) of e sistema inmuun comprometi.
Virus di Papiloma Humano (VPH) pa muhenan di 26 aña y hombernan di 21 aña no vacuna previamente.
Hepatitis B, pa adultonan cu enfermedadnan hepatico cronico, incluyendo, pero no limita na e infeccion pa e virus di hepatitis B.
Entre e otro vacunanan cu por tin mester, ta inclui tambe esunnan cu ta protehe contra e enfermedad meningococico (den algun caso pa pashentnan cu HIV/AIDS of e sistema imuun comprometi) hepatitis A, bruela, sarampi, cacheton y rubella.
Con mi por haci un siguimento di mi vacunanan?
Pa recompila informacion riba bo estado di vacunacion, papia cu bo mayornan of otro cuidadornan. Consulta cu bo dokter,scol y doñonan di trabao. Algun estado tambe tin registro cu ta inclui inmunisacionnan pa adulto. Pa verifica, comunica cu departamento di salud publico.
Si bo no por haya bo registronan, papia cu bo dokter. E lo por haci un analisis di sanger pa wak si bo ta inmuun pa cierto enfermedadnan cu por wordo preveni door di vacuna. Ta posibel cu bo tin mester di obtene algun vacuna di nobo. Pa mantene bo mes al dia cu bo vacunanan, pidi bo dokter un formulario di registro di inmunisacion. Hiba e formulario aki cubo na tur bo bishitanan medico y pidi bo proveedor firma y pone e fecha di cada vacuna cu e ta ricibi, Mayo Clinic ta conseha.
Fuente: Hola doctor