Bo tin pensa di laga haci un tattoo? E Administracion di Alimento y Medicamento (FDA) di merca, kier pa bo pens’e bon.
E gusto pa arte corporal riba su mes no tin riesgo. Sinembargo entre 2004 y 2016, e agencia Mericano a ricibi casi 400 informe di problemanan cu tattoo, manera infeccion door di e ink contamina of reaccion alergico.
E preocupacionnan potencial pa e pa e consumidornan, ta incluy e practicanan poco sigur y e ink riba su mes, dr. Linda Katz, directora di e Oficina di Cosmetica y Color di FDA a apunta.
“Aunke cu por haya un infeccion grave pa e practicanan poco higienico y e ekiponan no sterilisa, tambe por tin infeccion pa e ink contamina cu bacteria,” Katz a bisa den un comunicado di prensa di e agencia.
Ink cu no ta sigur
“Uza awa no sterilisa pa dilui e pigmentonan (e ingredientenan cu ta aporta color) ta un problema comun, aunke no e unico,” el a bisa.
Katz a añadi cu no tin un forma infalibel di sa si e ink ta sigur. “E ink por contamina aunke e boter ta seya of aunke e label ta bisa cu e producto ta steril,” el a adverti.
E investigacion ta mustra cu algun ink ta contene pigmentonan cu ta wordo uza den ink pa printer of den verf pa auto. Ningun pigmento pa inyecta den cuero cu finnan cosmetico ta conta cu e aprobacion di FDA.
Reaccionnan alarmante
Despues di haci un tatuahe por produci varios reaccion.
“Kisas bo por nota un rash den e area di tatuahe of bo por haya keintura,” Katz a bisa.
“E infeccionnan mas agresivo por provoca keintura halto, temblamento, ril y sodamento. Trata e infeccionnan ey pro rekeri di un variedad di antibiotica (kisas durante varios luna) of incluso hospitalisacion y/of cirugia,” el a bisa.
Un rash por nifica cu bo tin un reaccion alergico. “Y como cu e inknan ta permanente, e reaccion por persisti,” el a splica.
“Si bo tin algun inkietud, comunica bo mes cu un profesional di atencion di salud,” Katz a conseha.
Otro problemanan por aparece mas despues. Despues di pone e tattoo, por desaroya un cicatriz. Of e tatuahenan por tin un inflamacion y kimamento ora cu bay den un MRI. Si un dokter kier programa un MRI, percura pa bis’e cu bo tin un tatuahe, Katz a comenta.
Otro consehonan di FDA
Evita ink y kitsnan di tatuahe di propio aplicacion (do-it-self). Nan a wordo relaciona cu infeccion y reaccionnan alergico y e usuarionan por ta no sa con pa controla y evita tur e fuentenan di infeccion.
Sa cu pa elimina un tatuahe ta dificil y elimin’e por completo sin laga cicatriz por ta imposibel. Si bo dicidi haci un tatuahe, sigura pa e ta den un salon y e artista cumpli cu leynan estatal y local.
Si desaroya un infeccion of otro reaccion despues di haci un tattoo, comunica cu un dokter y notifica na e tatuador pa e por identifica e ink y no uz’e bek,” Katz a splica. El a sugeri pa puntra pa e marca, color y e number di lote di ink of agente diluyente pa yuda determina e fuente di e problema y con pa trat’e. Den casonan aki, e consumidor, e tatuador of e dokter, mester informa FDA y provee tur e detayenan posibel riba e ink y e reaccion.
Fuente: Hola Doctor