NUEVA YORK (AP) — Kevin Hart diabierna a anuncia su renuncia como anfitrion di premionan Oscar. Esaki ta bin despues di un polemica genera pa un tweet homofobico antiguo di e comediante.
Hart a publica un tweet pidiendo despensa na e comunidad LGBTQ pa su palabaranan, diabierna den oranan di marduga.
E actor a bisa cu e ta renuncia na host premionan Oscar pa e no ta un distraccion riba un anochi cu lo mester ta un celebracion.
E respuesta di e comico na e criticanan pa su tweet no a yuda pero mas bien a aumenta e tension. Diahuebs, Hart a scirbi riba Instagram cu su criticonan lo mester “stop di ta negativo” despues di a aparicion di algun tweet unda cu e tabata insulta personanan homosexual. Den un video cu ta bay cu e palabranan, e comediante cu ta aparece sin camisa, a bisa cu “mi no lo laga locura frustrami”. Hart a bisa cu, ademas cu “e stima tur hende”.
GLAAD, un grupo encarga di moniterea e imagen cu ta ofrece di e comunidad LGBTQ den medionan, a bisa cu el a tuma contacto cu ABC, e television cu ta encarga cu transmision di premionan Oscar, cu e Academia di Arte y Ciencia Cinematografico y cu e managernan di Hart pa “discuti e retorica anti LGBTQ di Kevin”.
Den un especial di comedia na 2010, Hart a bisa cu “si mi por evita cu yiu ta un gay, mi lo haci esaki”.
Diamars e Academia a anuncia cu Hart lo ta e conductor di e di 91 ceremonia di e premionan Oscar na februari.