Por a wak cuanto hende ta sin trabou y no ta percura pa nos hendenan local haya esaki, segun Diego de Cuba, presidente di STA a splica.
Esaki ta un dikke onvoldoende pa nos minister di labor, pasobra por a mira kico a pasa na varios caminda y akinan, segun e sindicalista, si wak kico a pasa cu pais Aruba, esaki ta algo cu ta lamenta masha hopi mes. Por mira cu e cos a bay completamente for di man. Nos pais ta endeuda te na su strop. Por coy ehempel di luganan cu a cera, manera e casino cu a cera. E trahadonan a practicamente saco y cangreu. Tin cu bisa cu bo ta bin cu leynan laboral. Abo, como e organo, Gobierno, ministernan, Staten, bosonan mester percura ora cu e leynan aki wordo implimenta, tin cu cumpli cu nan tambe. Por ripara cu tin ley cu ta wordo implimenta, pero no ta wordo cumpli cu nan y laat de boei maar waaien. Y un minister ta gewoon saca potret haci bunita aki aya.
Un fecha historico
De Cuba a splica cu e por a mira un locura caminda cu a cende 2147 bela di hendenan cu e tempo ey ta hombernan so a firma, pasobra muhenan no tabata tin derecho di voto ainda, lamentablemente. Awor aki, tin derechonan igual y ta hopi bon cu tin esey tambe. Locual cu mester wordo elogia aki na Aruba, locual cu nan mester celebra, ta e fecha di 25 di Maart, di aña 1977, ta un dia historico pa e pais Aruba. Pasobra e dia ey, e pais aki a bay urna electoral pa prome biaha pa bay vota den un referendum y pa nan a kies pa independencia. Tabata tin federacion, independencia y akinan e pueblo a kies pa independencia y tabata un dia historico pasobra Hulanda, no tabata kier a tende nada di Status Aparte y tur politico cu a bay cu Status Aparte Hulanda, Hulanda a donder nan op. Cuminsando for di Henny Eman bieu, pa Shon A. Akinan de Cuba no kier drenta den politica, pero el a splica cu danki cu Betico Croes a bin y a uni e pueblo y logra esaki, bay den un referendum. Por corda bon bon, e referendum aki na 1977, cu despues tabata tin un eleccion cu a tuma luga a Juli 1977, caminda cu e partido mas grandi a wordo nenga pa drenta Gobierno central, e Gobierno di Antias e tempo ey. Esey a causa cu un otro partido chikito cu a drenta Gobierno y cu a bay en contra di e deseo di pueblo di Aruba y cu a surgi Augustus scur na 1977. Esaki de Cuba a haci un apelacion na Gobierno di Aruba den su totalidad, cu na Staten di Aruba tambe pa para keto un rato na e fecha di 25 di Maart 2017, pasobra ta un fecha historico.