Un otro fin di aña ta yegando y te ainda Departamento di Aduana ta practicamente mesun caminda prome cu eleccion aña pasa. Sr. Eduard Maduro di Sindicato di Aduana, SADA ta amplia.
Esaki ta debi cu e nan tabata tin algun reunion extraordinario durante ora di trabao, mirando cu en principio nan no tabata haya atencion di e minister encarga cu Douane. Lamentablemente casi 6 pa 7 luna, nan a keda tranca ya cu nan no tabata haya niun update realistico, cu por mira lus di dia. Y eynan a pone cu despues nan a haya nan ta acerca Prome Minister, ariba ordo di e miembronan di e sindicato, dia 3 di juli, y esaki no a cay den bon tera cerca e minister en cuestion.
Si e mandatario cu mester atende cu Douane, e no ta duna atencion na Cuerpo di Douane, nan a hayanan cu e miembronan a pidi e ora pa desde e momento ey, pa acerca Prome Minister, mirando cu e minister di Finansa no a duna atencion. SADA tin bon contacto cu e Minister Presidente, cu informa SADA cu e ta haciendo su maximo esfuerzo, pa keda cla cu esaki ‘for once and for all’, pero e convenio firma aña pasa ta tranca. E ta algo cu mester wordo ehecuta. Esaki ta pone cu e miembronan ta full disgusta.
BAY CORTE
Sr. Maduro a splica cu si bay Corte y esey ta algo cu Prome Minister a señala, mirando cu e convenio a wordo firma door di cuater entidad, cual ta mediador di gobierno, SADA, e minister di Finanza, director di Douane, y caminda di cana pa corte tin. Y unabes cu bay Corte e ta un done deal. Pero e ta bay ta un caminda largo y innecesario, ya cu e ta cla caba.
Cada biaha cu papia di Douane, ta bisa cu e ta un departamento importante. Tin hopi atencion pe, pero en realidad e ta full otro. Por bisa cu no ta ni sinta mas cu e minister di Finanzas, ya cu el a bisa bon cla cu e no ta bay sinta mas cu SADA, ya cu den su concepto, sindicato no a trat’e bon. Pero unabes cu bisa cu no ta sinta mas cu sindicato, pero e bestuur ta 7 persona, pero SADA ta traha a base di e deseo di e miembronan, y e minister ta bezig ta verwaarloos e doauneronan 100%. Pero ta su pleno derecho, pero unabes mas, Sr. maduro ta reitera, e tribunal di eleccion lo dicidi esey den futuro, pero si e por bisa cu di biana di Minister President el a traha ariba esaki, y SADA ta den contacto continuo cu Prome Minister y nan ta mira cu nan por cuminsa cana y finalisa esaki prome cu fin di aña.
Pero atrobe, tur cos ta depende di DRH, ya cu tur cos a tranca. Prome Minister a splica, cu tabata tin un mal comprondementeo, ora a trata e situacion di e convenio, ya cu tabata tin un paar di punto cu e manera cu Directie Wetgeving y DRH ta interpreta, dus manera a informa caba, cu e Prome Minister, cu huridicamente SADA tin rason. Y awo ta sperando pa sinta cu DRH pa cumisna ehecuta e convenio. E ehecucion por dura algun luna. E ta bira dificil, pero semper y cuando ora tin boluntad, tur cos por wordo realisa, vooral ora ta algo un ‘done deal’ caba.
RELACION PROME MINISTER
Por ultimo, Sr. Maduro a splica cu DRH ta cay bou di Prome Minister y nan preocupacion tabata e interpretacion di e convenio, cual Prome Minister di su banda, a pone un concepto di dje y a traha duro ariba dje. SADA tabata tin contacto tanto cu e conseheronan como Prome Minister, cual no a cay den bon tera cu Minister di Finanzas. Pero nan no por sigui warda ariba e minister aki. Pero si SADA tin bon contacto cu Prome Minister. Nan a sinti cu Prome Minister si tin atencion pa nan.